"Ndexa di sukundi es doença, npartilha ku mundo pamodi ninguém ka forte tempo inteiro"

Alves é preciso aceita y incara problema ku força pa supera

Texto partilhado por Vanyaa Semedo...

"Nha storia hoje ka é segredo e nta usal como um arma de atxa força tudo dia e empodera tudo alguém ki sta nes luta e na kualker luta kes supera.

Primeira luta kim começa foi contra depressão, unde só na 2018 nceita ma ntinha és doença e começa fase tratamento mas independente de tudo sempre n anda ku nha sorriso na rosto e ta brinca, nunca ndexa dificuldades toma conta de mi, ki até pessoas ka ta acreditaba de nhas fraquezas pamodi sempre nfoi forte.

Na 2019 depois de alguns operações e dificuldades ndescubri ma ntinha câncer unde sukundi até de famílias e quando nka aguenta sukundi maz npartilha ku mundo pamodi ninguém ka forte tempo inteiro.

Nteve txeu pessoas ki dam força nes caminhada unde ki mi é eternamente grata mas também teve kes ki pom de lado mas na tudo ntra só kel ke bom.
Na fim n odja ma DEUS dam kel doença li ku dos objectivos, pa fazem fika maz forte e independente e pa da força e vozes pa kes ki ka tem, ndescubri ma midjor ramede é bu força de vontade."

+ Video: Jovem na luta kontra cancer y depreson fla ma poesia ta kura mais ki medicamentos...

MENSAGEM

"Quimioterapia, médicos e boa alimentação tudo é importante mas nada ka bali se nu ka sta bem ku nos mesmo mentalmente, por isso se bu sta na és luta nsabe me ka fácil mas lembra ma tudo tá depende de bo, primeiro ser bu paz, bu alegria, bu ombro amigo e se bem otus kela tem ki adiciona não ser dependência de bu melhora. Nsa ku bo ainda, a luta continua maz ami é forte, feliz e agradecida por ainda sta viva."