Pamodi ki mujder ta xinte atraidu pa homi ki ka ta ligal...

Kuze nta faze ku es sentimentu

Nu recebi es dezabafu, ki ta dexa um pergunta...

Ola, nta ser diretu na nha dizabafu.

Tem kuza ki nka ta intendi, nha pergunta é Pamodi ki mujder ta xinte atraidu pa homi ki ka ta ligal?

Tem um menina na nha escola, sempre ndemostra atensom pa el, sempre nta sta kol, ta ser gentil kol, ta mostra claro ma ngosta del. Mas nunka é odjam komu alguem ki podi ser si cara metadi. Ki ta duém é ki é ta fla me sa gosta di otu alguem, so ki kel alguem para alem di ka ta dal bola, é comprimitidu. Mas menina ka ta fadiga ku isso, y é sta segu pa kel rapaz, enquanto ki mi, um apaixonadu pa el, kapaz di fazel feliz, sempre sta di si ladu, mas é ta odjam so komu amigo.

Kuze nta faze ku es sentimentu nka sabi, será ki um dia é ta odja pa mi sima mi nta odja pa el, pamodi di getu ke sta é podi entra na um relasom ki ka ta fazel bem y mi nta xinte sufridu pamodi isso. Nbem dezabafa li na tenta intendi isso, pamodi ki isso ta kontici.