"Nha namoradu tem otu membra mas mi ki txiga primero por isso nka sa sai"

Nka sabi kuze ki nta fazi pe podi larga menina

Um seguidora di pagina manda es mensagem...

ola Dexam Sabi, sempre nta acompanha novidade ki nhos ta traze, nta gosta di dezabafus ki nhos ta partilha, hoje nbem resolve konta um dilema kin sa passa.

é si mi é di santiago, nes momentu nta vive na Praia, nbem studa y kaba pa fika pa li, foi li kin konxi um rapaz ki hoje é nha namoradu, dja nu tem 3anus djuntu, sempre é dam txeu carinhu y é mostra me gosta di mi, so ki di uns tempo pa li ndescubre me teni otu menbra, y minina ta fika ta txomal oras ke sta ku mi di abuzu so pa iritam, ami djam flal pe dexa menina pa la, pa nu fika sima nu staba sem num otu alguem na meio, é ta enrola so enrola.

+ Caboverdiana dezabafa "Nha maridu bai Portugal, bai ka bem"

Mi també nka kre dexal pamodi ngosta txeu del. Mi é si numeru um é u ke ta flam sempre, ta dam um poku di conforto, mi nka ta aceita perdel pa nada ki tem, nka kre pol txeu na parede sobre es assuntu pe ka irita ku mi y dexam y bai fika so ku menina.

Nka sabi kuze ki nta fazi pe podi larga menina, nhos podi djudam resolvi isso.