Um dia dipos di nha suicídio

Texto de Mellanie Tavares

Mellanie Tavares  partilha es texto, pa fazeu reflete sobre es questão ki tem assombrado nos sociedade...

Logo na kel primeru dia N korda bem cedo. N prepara nha café ku tudu ki N gosta, katxupa, linguiça, ovo, café preto e meio amargo. N toma café, N limpa cozinha e N sai na varanda pa toma sol. ⁣

⁣Na volta N sinta na sofá na sala. N apaixona perdidamente. ka foi pa nha vizinho, mutu menos pa kel lindooo de instagram, pior ainda pa kel rapaz ki n tinha odjadu na fila de padaria. N apaixona perdidamente pa nhas irmãos ki sta txoraba desesperadamente e ta lamenta sobre 1001 kuzas ki es podia fazi pa salva nha vida. ⁣

N apaixona pa nha midjor amigo ki sa txoraba baixinho na se quarto ku medo de ser ouvido, afinal nu enxinado ma homi ka ta txora né. ⁣

N apaixona pa nhas amigos ki sta abraçaba cumpanhero ta txora e ta pergunta kuze ki lebam a fazi kela. ⁣

De mesmo forma, N fica ainda mas dodu na nha sobrinho quando n obil ta pergunta sê pai pamodi ki N morri. ⁣

⁣Foi lá ki N komesa pensa si realmente N tinha motivo di abandonaba es. N bai sinta na varanda e começa ta odja kes estranhos ki sta txigaba nha casa pa bai consola nha família.⁣

⁣Na dia dipôs di nha suicídio, n volta pa casa undi ki n passa tudu nha infância. N konsigui odja pôr do sol... um bentu lebi ta tocam na rosto enquanto N noti friu ta txiga... kes noites perfeitos pa lê um livro, obi um música ou ri ku amigos até perde noção de tempo. ⁣

⁣Kes pequenos kuzas ki n komesa da valor. N kis volta a vivê tudu di novo. Um banho na txuba, um abraço apertado, um café quente, um bom livro, um filme, um música... crianças, mar.⁣

Na kel mesmo dia N odja 1001 motivos ki N tinha pam vivê mas ki foi derrotado pa kel 1 ki N tinha pa morri. Na dia dipôs di nha suicídio N tenta volta a vivê, mas N ka pudi caba ku kel ki foi mi mesmo ki começa. ⁣

⁣por: mtavares 

⁣Ainda bem ki é tudu imaginação/reflexão. E midjor di tudu isso é pamo ainda bu sta li ta lê tudu keli. Akredita, ka tem nenhum dor, nenhum trauma ki é maior ki bu vida. Bo é forte. Se bu sta li hoje é pamo bu supera onti, ntom manhã também bu ta konsigui. Ka bu tem medo fl sobre o ki bu ta sinti. Bo é incrível. Bu vida ta importa pa me e N kre odjabu dretu.