"Nu ta namoraba virtualmente" - Fil G Kamporta

Fil G dezabafa

"Ami nka peta, simplesmente n satisfaze necessidade di nha namorada" - Fil G Kamporta faze direto pa fala di polemica di momento, ki sa contice entre el y um apaixonada ki ta vive na França.

Fil G passa horas na live, ta fala y ta festeja ku champanha, també ta promovi si musicas. Fãs aconpanhal ku vontadi di disvenda es storia ki bem au publico dipos di Fil G partilha conversa ku si apaixonada.

Fil konta ma Sol é irma di si ex esposa. Fil ku irma di Sol tinha um relacionalmente di cerca di 8 ano. So ki termina y Sol parsi como um ajudante pa Fil supera fim de relacionamento, undi Sol ta flal me ta gostaba di ses relacionamento y me ta gosta di Fil G, me ka ta kria pe terminaba ku si irma, mas tempu ba ta bai y Fil y sol caba pa assumi um comprimisso Virtual, sima el Fil G ta fla, ma es ta namoraba virtualmente, me da Sol palavra y ma Sol prometel fidelidade. y sendo si namora me fazel alguns caprixu ke ta faze pa namorada. So ki si ex descubre y kumesa ta kria kunfuson u ki leba Sol a kre poi fim a es storia, y Fil ka xinte bem ku isso, pamodi é sta apaixonado, até é faze um musica pa sol. Dipos Sol bem posta uns fotos na companhia di otu homi, ki segundo Fil é pai di fidju di Sol.

y sobre 3 mil euro, Fil g fla ma é apoial pa resolve problemas y Movilha si casa na França.

Durante live, Sol reagi ta fla ma Fil ajudal a movilha apenas si sala, ma kes otus kuzas a si casa é kumpra ku si dinhero.

Kamporta fla ma sol sa toma es atitudi pa feril. Mas durante live Fil mostra me sta kontenti y feliz. y ma dinhero ke manda Sol é ka nada komparando ku dinheru ke tem y apenas é ta satisfaze si namorada. é tinha plano di bai atxal na França y staba planeado pa es casa na merca.

É fla me cumpra 1 caro mercedes pa Sol pamodi me staba apaixonado pa el, pa oras ke bai atxal na Merca, mas ma kuzas ka sai sima es plania. 

Fil fla me podi da Sol segunda xansi, mas Sol tem ki pedil desculpa y esplical pamodi ke toma kel atitudi