e flam ma enkuanto nsta dento se casa me podi usam ora ke cre
"Mi e caboverdiana ntinha nha profisson, nha casa e nha vida estavel na cabo verde.
Nta binha pa Merca passa feria tudo ano sempre antis de nvolta pa Cabo Verde nta fazi nhas consulta nta tchec saude geral.
Te ki ha 3 ano mbem cu depressão, ndexa nhas fidjos, ndexa nha trabadjo estavel ki ntinha.
Na fazi tchec up es atxam cu Câncer, ndesanima mas nha sorte e ki staba na um pais ki saude e prioridade maxima logo ndecide para li sem documento mas ntevi cuidado de saude sima ker pessoa ki tem documento. Nfazi 7 cirurgia na um ano.
Mas logo ki ndescubrido cu Câncer teve um pessoa ki dja tinha txeu ano ta conkistam nunca nu tevi nada pmd mi nca tinha plano de viveba na Merca e el e ka tinha plano de vive na Cabo Verde por isso ca ta daba certo. Mas depos ke sabi ma nsta doente e volta a conversa cu mi ma e crem ainda me cre djudam, me cre cuida de mi.
Nstaba desanimada logo n aceital, na inicio tudo bonito no casa, no muda pa otu casa mas grande.
Mas logo ki nfazi primero cirurgia el começa muda ntevi ki para de trabadja el ki ta sustentaba casa mas mi ki ta cuidaba de casa, el nem prato ki e ta cume na el e ca ta lava. Mi ki ta fazeba tudo cusa dento casa, mesmo assim el ca staba contente pmd el ki ta paga renda e luz.
El cumeça na humiliam dento casa, de noite nca podia ter luz acesso pmd so e txiga e ta gritam ma ntenel acesso pmd e ca mi ki sta pagal, el para de da dinhero pa compra na casa, e fica ta humilham cu otus mudjeres, ta bai encontra cu otu mudjer, nta sabi sempre nta ligal ora ke sta djunto cu otu mudjer e ta cobam so fedi ta faltam respeito ora ki ndesliga e ta mandam so audio ki nteni tudo guardado. Ndesanima ki mesmo operada nresolvi bai trabadja.
Mi cu 4 drenu dento mi pa tran kes sangue pa fora nta scundi dreno nta bai trabadja. Ncomeça ta paga metade de tudu gastos ki nu tem dento casa, el midjora manera ke ta tratan dento casa mas el ca dexa de corri tras de tudo mudjer ki parcel se frente. Dja custuma ami na kuarto operada, el na sala ta tem relação cu mudjeres na video chamada mi nta obi tudo, n entral na se messenger n odja cusas ki nrapendi de nha vida , el ta minte pa mudjeres ma el e divorciado, ora ki mpoi fotos de nos casamento na face ki mudjeres odja ki perguntal e ta fla ma e um pessoa ki teni Câncer ke casa col pe djuda mas me ca tem nada de amor cu kel pessoa.
Dje custuma trazi mudjer te dento nos casa na momento ki mbai trabadjo.
Nta bai trabadjo , el ta speram di 3pm te 8pm ora ki ntxiga pam bem dal cumida, pam lava loça, cumida ta sta feito na gilera so pel poi na microondas pe kenta el ta speram pam bem fazi, si nca fazi el ta txoma se ex mudjer nha frente ki ta trabadja na restorante pa preparal um prato el ta bai cumi , e si nfazi cumida ki mpoi na mesa ki nca flal pe bai cumi e ta largal la e ta bai cume la na se ex mudjer.
Nfazi 7 operaçon num vez e ca falta se trabadjo pe lebam hospital, sempre nta pidi stranho pa lebam, tevi um dia nca atxa alguem pa lebam ntevi ki leba nha carro, mpidil pe bai buscam pe leva um pessoa pa trazi nha carro mas el bai el so pamodi covid gossi ta opera ta bem pa casa na mesmo dia, logo ki nsai de operaçon e bai buscam mas e bai el so, ntrazedo na carrinho de roda mpodo na se carro nflal pmd ke ca leba alguem pa trazi nha carro ma nca podi dexa nha carro la, e mandam pam dixi de se carro pam bai panha nha carro pam bem ndixi logo e arranca e bem se caminho, mi nstaba ainda sob efeito de anestigia nca consigui nem anda ncai frente hospital mas el dje staba longi ta bai, ntevi ki fica 8 dia internado el ca bai spiam nem telefonam nada, canto ndado alta mpanha nha carro mvolta pa casa, canto e volta pa casa e tratam sima ki nada ca contice.
Na menos de um mes ami ta recupera de kel cirurgiam el luta cu mi e maguam ntevi ki volta pa hospital, nfoi operada de emergencia mas nca fla nha Dr. Cuse ki contice canto nvolta pa casa nflal ma nca fla Dr ma el ki maguam e flam pmd ki nca fla, pam bai fla ma inda ca passa tempo, ngrava tudo kel flam nguarda.
Tevi um mes n atrasa 4 dia pam dal dinhero de renda, kuando nvolta de trabadjo e busca so matam dento casa, ca dexam toma banho, ca dexa deta ta persiguim ta agridim ntevi ki txoma policia.
Ngrava tudo cusas ke flam mas policia fla audio ca ta sirvin como prova ma si ntivesse video ma es ta lebaba el.
Depos de kel dia ncumpra nha camara de filma, ncomeça filma tudo maldade ke fazem, no bai intrevista na emigraçon e fazi de tudo pa nca aprovado, canto no sai nflado ma ntem ki aguarda 2 semana si aprovado ma es ta mandam um carta mi nvolta pa casa desanimada cu serteza ma nta ser deportada a mi doente. Canto no txiga na casa nfla maldade ke sta fazem ma um dia e ta pagal e flam so pam mandal conta me ta paga e sai e mandam mensagem me ca cre sta cu mi mas, pa cada kenha fazi se vida, nflal ok ma nta aceita mas ma nta spera me ca ta rapende ora ke caba corre se txada pe bem tenta pa no compo.
Nruma tudo nhas cusa ncomeça djobi casa pam muda. Nfica ta deta na um caminha na cosinha.
No tevi u semana dento casa cada kenha ta fazi se vida, te kel dia mbai trabadjo canto nvolta mpoi nha camara ta filma ndeta. Mi na meio sono nxintil riba mi ta tenta forçam a ter sexu col e flam ma enkuanto nsta dento se casa me podi usam ora ke cre, el luta cu mi sima ke homi ke sta luta col e skeci de nha operaçon e skeci de nha doença , canto e termina dje maguaba mi nha operaçon de novo nem el ca importa e panha se carro e bai se trabadjo e dexam mi so dento casa cu dor.
Mpanha nha carro mbai pa hospital mas des ves nconta tudo ki contice e nmostra video ki ntinha ta grava, txomado policia na hospital, es bai obim, es odja video, es bai logo panhal na trabadjo, dje tem 5 mes preso, Juiz ca aceital nem pe paga fiança pe sai pe spera julgamento fora pmd kel video mostra violencia ke usa cu mi.
Ntevi ki fazi mas um operaçon depos ke torna maguam
E como Deus tem na 2 dia depos ke bai preso nha Green Card txiga na casa.
Sta txeu amigos dicel ta culpam pmd el sta preso mas es ca conxi nha lado de storia, es obi so se lado ki e mentira ami nta conta e nta mostra provas, ntem videos del ta agridim audio na humilham pmd otus mudjeres ntem print de se conversa cu mudjeres ki ta prova me trazi mudjer dento nos casa e ki ta prova me tevi sexo na video xamada cu mudjer enkuanto mi nsta na kuarto el na sala nteni audio del ta humilham ta flam ma nca ta toma banho pmd nca dal dinhero de renda nteni audio del ta flam ma mi e si propriedade pmd e sina pa mi canto no casa.
Kes se amigos ki ca conxi nha lado de storia so es odja es publicason es ta odja logo e kenha, si es cre es entra em contacto cu mi nta mostras provas de violencias ki nsufre pam odja se for ses familia se es ta defendeba el."
COMMENTS