Ami é só um mudjer di 26 anos ki ta labanta tudo dia ta bai trabadjo, mesmo apesar di depresson i presson di tudo mundo!
Dipos di posta: "Ami ê um mudjer de 26 anos i n’ca tem amor ninhum pa nha fidjo de 4 anos", é recebi txeu kriticas, gosi é torna bem ku novo texto , postado inicialmente pa dypk ta respondi:
Oi novamente
Enton crê da nha resposta sobre muntis comentarios ki n’stive ta lê sobre nha relato “N’ca tem amor pa nha fidjo di 4 anos”.
Primeiramente n’ca sa bem tenta muda mentalidade di ningén, manda ês relato sobre nha vida ki foi MUITO complicado partilha algo ton íntimo, realmente n’ca foi obrigada i tbm n’staba consciente k ta tinha tudo tipos di comentários, até PQ cada algén ten si opinion i sta td crth OK!
Pa kês ki condenan ta txoman di tudo Q nomi, n’crê fla nhx um cusa SÓ, katen ningén ki condena nha cabeça máz ki mi mesma na época OK! Máz tbm n’tevi ki para i refliti txeu sobri nha vida, n’tinha dois direson na nha frenti, ou n’ta sigi ou nta disisti, mi ntinha 21 anos undi n’odja ami sozinha sem apoios i só repreensão pa td lado kin vira odjo, máz nha vontade di vive era máz forte por isso n’tivi di purdua nha cabeça PMD n’tinha otros sonhos,o facto di nka kis ser mai ka significa ma nca tinha otros vontades… Ami inda ten txeu k vive i n’crê venci nês vida, ka nhx pensa ma foi fácil toma kel decison nta volta a afirma li ki mi smp n’foi CLARA sobre nhas desejos,n’ca engana ningén! Cantu n’fla ma n’pega kel bebé na colo i ma n’ca xinti nada realmente foi máz pura verdade, máz nhx atxa ma foi di proposito? Si mi mesma xinti um monstro pmd keli… máz ami nten culpa di ter nacido asi? Até hoje nha desejo di ka ser mai ta prevalece dentro mi, i nhx podi ten certeza ki NADA ki contici na passado ta volta repiti pmd djan toma nhas providencias
Homis ki sta na comentarios ta coban sinceramente keli ka nhx lugar di fala, corpo di un mujder pertence a EL E MÁZ NUNGÉN! Máz engraçado ki nunca n’ca ta odja nhx ta ser julgado pmd ka crê ser pai, maiorias pais berdianos kata assumi ou da assistência ntom please! Ntom pmd k sō mudjers é excomungado por isso?
Ami n’sabi bem di nha decison, n’sabi ma nta bedjo SIM, máz agora nton algén ten ki gera só pa na futuro ben ser cuidado? Sinceramente nca atxa ma keli tbm é amor, pmd teve comentários ta flan isso, sinceramente tem montis ki tem 10 fidjoS e na velhice até stranho k taben cuida dês, ntom ami n’ca sta preocupada ku nha velhice pmd nôs td ta txiga lá crth!?
N’Odja comentários ta fla “Ah ta ama homi cata ama um fidjo” sinceramente falta nhx interpretação, cusê ki um cusa tem a ver ku otu? Hoji único homi kin amaba nca sta col máz, i fidjo tbm ta dexa di ser amado? Ê ka nhx ki sa condenan ma amor di fidjo é infinito? Máz amor pa homi nem smp, ntom ka nhx compara algo incomparável
Sö n’crê fla ma mi é ca nada disso k ata flado , palavras ki n’ca crê repiti prp…
Ami é só um mudjer di 26 anos ki ta labanta tudo dia ta bai trabadjo, mesmo apesar di depresson i presson di tudo mundo!
Ami n’cata odeia nenhun criança pmd n’ca kis ser mai, NADA A VER!
N’ca nanci ku nenhun proplema sima flado …
Nanci na um familia normal di 4 filhos undi mi era única mulher i smp foi amada, apesar ki hj nha mai ta condenan maz ki nhx tudo djunto, máz n’ca ninhun psicopata nen algo do tipo..
Simplesmente sigi nha corason, i SIM, pa kes ki fla man n’ca tem UM sata bate manenti, enquanto Deus permitir!
Nta agradece tbm td kês ki pelo menos tenta intenden pmd é smp máz fácil julga do ki poi na lugar ou tenta intendi enfim
Um bom semana i nhx fica na paz di Deus smp!
COMMENTS