Ku 36 anu na kosta es kriola partilha ku orgulho mé sta poi fita di 12º anu. "Orgulho di nha trajetoria"

Ka importa si é cedo ou tarde, importante é realiza sonho

Sandra Helena, es kriolu, dexa mundo sabi, atravez di si pagina di rede social, ki é finalista di 12° anu. 

"Manhan dia 27 di juliu n ta poi fita di 12° anu ☺️

Sima bu le n fazi 12° anu ku 36 anu na kosta 😎

Orguliu di Nha trajetoria , mi ku NHORDES ku nhas fidjus ki sabi di nhas lutas ..

N STA NA LUTA PA MAS UN KAPITU DI NHA STORIA , N TA KONSEDJA-BU A LUTA PA DI BO .

KA TEN NADA MAS GRATIFIKANTI DI KI SER PRUTAGUNISTA DI BU PROPI STORIA. .."

si post sa recebi elogios di amigos y conhecidos...

Nelly Freire: "Parabéns nunca é tarde pa nu adquire conhecimento.Vá em frente pamodi caminho debi ser sempre pa frente querida."

Robson Correia: "Muita garra, determinação, foco, força, coragem, fé, implementação e sucessos sempre minha querida amavél"

Florenco Varela: "Como pesoa ki trabadja más de 30 Ano na Educason de Jovens e Adultos, nta fika rai de contente ku grandeza de kel li. Parabéns Sandra Helena ki Deus da vida, ku saúde e paz e ilumina caminho de felisidade"

Nu ta aproveita pa dal parabens, y desejal sucesso pa proximas conquistas