es dezabafu ta bem di parti di um caboverdiana ki ta sta na Merca
Es storia sta bem di parti di um seguidora de pagina, ki ta fla me nomi ke poi é mudado mas storia é real, ki tudu indika kontice na Merca
"Un descubre segredo de familia que tenem ca ta dorme dreto. Marido de nha prima Marianita dja detta ku quase tudo mudjer de nos familia. Marianita sabe de tudo ainda sim el cá tá larga se marido. Que tenem mas triste é pamode se marido dja custuma ba deta ku nos sobrinha que tinha 15 ano. Hoje nos sobrinha é maior de idade el decide abre ku me sobre cuzas que passa quel tempo. El ta staba na casa de Marianita sempre tcheu bes el dorme lá hora que se mãe ku se pai ba Cabo Verde de feria es ta dexaba el la se casa. Marianita tá daba el tcheu presente ropa, sapato, cuzas de marca mas afinal era um manera que el atcha de consume nos sobrinha cabeça pa el pode sta ku se marido. Un ta odjaba marido Maranita tá brinca ku nha sobrinha tcheu bes na festa de família mas nunca cá passam pa cabeça ma el tinha interesse na el de quel manera la pamode el era minino.
Pior de tudo é que un ba fala cu nha prima Tadna que é mãe de nha sobrinha sobre es assunto mas un caba pa da conta ma el també dja deta ku marido Marianita. Ago Tadna ca tene corage de conta se prope marido tudo verdade pamode el tene medo de cuze que se marido pode faze hora que el da conta ma tanto se mudjer como se fidjo femea stevi ku mesmo alguem. Inda por cima homem que el tem tcheu amizade na el. Tadna contam ma cá só el que na labias marido Marianita. Tcheu mudjer de nos família dja steve kol otu é casada mas sime es fika kol.
Un ca sabe se pamode marido Marianita tem dinhero mas es cuza é estranho el consigue envollvi ku maioria de mudjer de família. Anton nhos tudo é porka des manera? Mode que nhos tem corage de sta ku marido nos prima depos pa nhos ba sta ku nhos homem riba kama. Queli é mode prope, ca sta consigue entra na nha cabeça. Es tudo sabe de companhero mas es ta guarda segredo pamode es tene rabu preso. Marido de Marianita tem dinhero, el ta djuda tcheu alguém. Ta ser difícil de pessoas acredita ma el faze um cuza tao grave assim pamode comunidade caboverdiano de Merca tem el pa um homem sério.
Ago es mensagem li ta fica pa Marianita como bu tem grandeza pamode bu marido tem dinhero bu ta atcha ma bo mas midjor que tudo alguém mas gossin que djam sabe de podre de nhos vida midjor bu branda hora que bu tchiga nha bera pa un cá pobu tá passa brigonha na meio de alguém
COMMENTS