Desabafo di um mãe ku dor di perdi si fidju...

bo era nha minino, minino ki nunca xinti grandi pa si mai

Mãe desabafa: Fre, 3 dias antes es trou di mi nposta kel mesmo foto li na story ta implorou pa um caminho midjor

Fre, nha midjor hora di pensa cuze ki ntem ki fazi na vida è di noiti

Antes di dia 28 nta detaba nta dura ki durmi ta planea vida di manhan

Dipos di 28 nsa ta deta nta tenta intendi pmd ku fazi kel escolha lá pa bu vida

Ka falta trabadjo, Ka falta consedjo

Fomi si bu tinha bu sabia tudo undi ku undi bu ta baba po ka passa fomi

Canto bez ki npidiu po bai fica na casa ku mi

Sempre ndexou sabi di nhas preocupason ku bo

Sempre undi ki no sta djunto nta fla ma mi ke bu mai kuazi ninguém ka ta acredita pmd bo è muto grandi pan ser bu mai

Sicre es fla ma bo è bandido bo era nha bandido, bo era nha minino, minino ki nunca xinti grandi pa si mai, npodi sota npodi sanha nunca ka labanta mo ka labanta voz pa si mai

Bu sabi ma nunca n apoiou na buz asneras ku ta fazi sempre nmostrou ma mi era contra buz amizadi

Sempre nta flaba bo Fre caminho ki bu sa sigui tem consequências y si final è cadia, hospital cimiteri ô carinho roda, mas mi nta prefiriba nton pez kebraba bo mon ku pé sicre bu ficaba na carrinho nba tomaba bo nbem cuida di bo

Djan corri ku kenha ki ta flaba bo amigo di nha porta

Djan ba bu tras na pensamento pa bu bai casa pmd dja staba noite

Nflou fidjo fica li ku mi , mi nka mesti po pagam renda nem po poi compra na casa pmd mi ke dona di nha casa, mi ncre só po ranja um trabadjo po orienta bu vida po da homi pmd cuzas di alguém ka di bo

Fre desdi onti nsa tenta fazi di forti mas nka sabi si nta consigui, nka sabi si mi è capaz

Fre, Marcelo ka odjou, Timas ka odjou

Flam undi ki nta bem tra kel força ki tudo mundo sa flam pan tem lá

Fre só 19 anos

19 di um vida di merda, colegas di merda, sociedade di merda

Kez mesmo alguém ki incentivou po ba futi merda ki ta tchomaba bo di irmon, kez mesmo alguém ki ta tchomaba bo di mano

Mano di merda amigo di put# ki pari