"Fidjo nta prefiriba bo mil bez dento cadia di ki baixo tchom" - dezabafu di um mãe

Nka ta cansa di tchorou nha fidjo

Dezabafu di Patrícia Tavares: Bu destrui nha castelo ki ntinha dento mi pa nos. Nha maior medo era perdeba um di nhoz mas gosi nka teni num medo mas. Fidjo nta prefiriba bo mil bez dento cadia di ki baixo tchom, ao menos na cadia djan fazi ma nta consiguiba odjou y abrasou mas baxo tchom nka tem como.

Fre kel último abraço ki ndou npertou rixo na mi ki nem gana largou nka tinha, nflou fidjo fazi cima nsa flou ki ka ta dura bu ta bai atxam, bu flam Tixa nta fazi mas buz amigos di merda, buz manos di merda, buz real ke ka real ke ka nada ka dexou cumpri bu palavra. Bus real ki ka podia odjaba bo na um lugar em paz ki dja logo es ta incentivou a bai fazi merda. Kez bu “real mano” hoji sa vivi sez vida cima ki nada ka passa.

Bu foi fraco Fre, Bu frakesa custou bu vida y è custam nha paz, dje custam nha alegria. Bu frakeza dja tran tudo nha sperança ma um dia nta conseguiba inverteba bu situason. Bu frakesa mostram ma so mi ka foi sucienti, ma so nha consedjo ka foi suficiente, ma so nhas conversas ka foi suficiente. Bu frakesa dismoronam nhas planos ki ntinha ku bo.

Bu tenem sem gosto di fazi nada. Flam modi ki nta consigui disliga tudo kel angustia ki nteni li. Modi ki nta consigui desliga tudo ki sa doem dento mi.

Fre pa mas ki ntenta splica ô disabafa ku alguem pa intendem cuze ki nsa xinti nka sa consigui splica em condições, pmd nem mi nka sabi cuze nsa xinti se magua, raiva ô ódio non so di kenha ki fundou na lama mas ku di mi ku tudo pmd ntenta resolvi tudo a base di conversa mas ka foi suficiente nha fidjo

Nsa tenta ser forti mas sa custam Fre, sa custam….

...

Nka ta cansa di tchorou nha fidjo nka ta cansa nunca. A Fredy flam cuze ku fazi cumi, Pmd ku bai metem dedo lá undi bu ka devia. 

Gosi tudo mundo dja fria frio

Gosi kez bus suposto amigos ka ta tchomou mas pa bu bai futi merda

Gosi es ta djobi otu fidjo parida ki ka sabi controla si propi menti pa es poi na ponta rotcha

Nha fidjo nha distância è ka di carro è ka di pé è caminho longi, longi nha minino

Fre pmd ku ka obi ku bu mai

Pmd bu ka ivitaba di dam kel dor lá

Bu ka pensa na mi modi ki nta fica si algum cuza contici ku bô

Bu ka pensa na nha mai ki pa mas nhoz briga mas djo sabia cumeba corason di bu dona

Ai Fredy bu foi di pocu conberso mas..