storia real
"Boa tarde, publican el anonimo por favor!!!
Assunto hoje é maneira que certos alguém sta trata alguém na ses casas, dja bendu pa li várias vezes ta faladu de modi que quenha que sta tomadu na casa esta faze, mas maneras que donos de casas sta trata alguém ques sta recebi queli ninguém ca toca nel.
É o seguinte nha tia mulher de nha tio toma si sobrinha na se casa quel menina é fazel de criada, é so menina que pa ta limpa casa, é menina que pa ta cuidal de meninos, meninos malcriados sima burro txada que pa menina libra pa ca fral olhos. E isso é ca nada nha tia ta sucundi menina comida. Se menina toma pequeno almoço 10h, ca pode almoça se almoça ca pode janta ou um ou otu que pa poupa comida, menina tem si bom trabalho é ta ganha 1200 euros, nha tia pol pe daba 500 euros, gose dje pol pe da 600 euros, menina ta da tudo quel dinheiro la inda ta passa fome. Menina sta desmaiaba a muitos dias so de fome nha tia ca ta fla ninguém, ti que menina desmaia na trabalho. Tudo isso dja tem 1 semana. Quanto é desmaia na trabalho es lebal hospital e la na hospital fazedo tudo exame e conta que menina sta ku anemia e problema na estômago, pamode sima é ca ta cumi suficiente corpo ta bai busca comida na corpo então sta fazel buraco na estômago de tanto fome ralal estômago.
Nton nbai casa de nha tia fim de semana nka atxal , atxa só menina chintadu triste nperguntal kuse que sta passa é flam ma se ta cunfia nel me ta flam pamode me ca sta aguenta mas que si intom é contam, nflal rumas bus cuzas apartir de hoje bu ta bai fica na nha casa. Nspera nha tia bem nflal tudo quel que nten pa nflal npanha menina nu bai pa nha casa. Nsta li pa fla certos donas de casas que ta maltrata alguém ques ta recebi na ses casa , mudjeres ninguém ca bem ku chave dento mão que txiga que poi na porta que entra, da alguém comida ca ta poi nhos na miséria inda mas e alguém sta contribui dentro casa, comida cozinhado é comida estragado, se pa nhos toma na nhos casa pa nhos bai injuria ca nhos toma. Gosi menina dja fica ku problema de saúde é tem que corri traz de um problema pe resolve trocado maldade. Donas de casas nhos poi mão na consciência um pouco, tem alguem que dja nhos toma na nhos casa que dja frontadu kual sim mas tem otus que esta tomado na casa que ta djuda nhos dentro casa cu limpeza, que crianças cu dinheiro que esta injuriado também. Era so queli nhos poi mão na consciência e nhos comporta na trata companheiro dreto, comida nu ta morri ta fica li."
COMMENTS