Merka : Joven cabo-verdiano ganha prémio di Futebolista do Ano di Liceus na estado di Rhode Iisland GIOVANNI , O FENÓMENO... 26 golos...
Merka : Joven cabo-verdiano ganha prémio di Futebolista do Ano di Liceus na estado di Rhode Iisland
GIOVANNI , O FENÓMENO...
26 golos, 16 assisténcia y un época espetacular na equipa di futebol di Shea High School, un Liceu na cidade di Pawtucket. Futebol kontagianti di Giovanni Alves encanta txeu treinadores di equipas di colégio ki oferecel bolsa di estudo pa bai juga y studa na ses scola. Dipos di algun exitason Giovanni opta pa “sina’ pa Dean College, na Massachusetts, eh pa es equipa ki eh ta juga a-partir di mes di Outubro.
Expetativa eh grandi, tantu + ki Geovanni sta bai entra na kampionatu colegial ku titulo di Gatorade Jugador do Ano di Estado di Rhode Island, premio + prestigiadu di desporto escolar na Merka ki ta reconheci y celebra jovens talentos na tudo estados , non so pa ses sucesu desportivo mas també pa ses carater y prestason academico
( Eh primeru bez ki un jugador di Liceu di Pawtucket sta ganha es premio, Giovanni kumanda y eh leba Shea High School pa Primera Divizon di kampionatu estatal. Eh foi selecionadu pa All New England Selection pa Asociason Nacional di Treinadores di Merka (National Soccer Coaches Association of America) y maior jornal di estado di Rhode Island ( Providence Jounal) nomial First Team All-State selection ( Primeru seleson di Rhode Isalnd).
DI “ SEM FRONTERAS ” NA FOGO PA “DEAN COLLEGE” NA MERKA...
Giovanni Alves ta aprezentadu na Merka como un “produto” di Academia di New England Revolution, equipa di Major League. Mas nau: Giovanni, como futebolista, cumesa ta juga inda mininu na scola di iniciason desportiva “ Sem Fronteiras” , na Fogo undi eh foi treinadu pa si pai Ildo.
Na Merka es medio ofensivu foi “recrutadu” pa New England Revolution na 2012: eh marka 10 golos na 16 jogos mas como inda eh tinha titularidade eh muda pa Shea High School . Foi di facto na futebol di Liceu ki Giovanni “xpludi” . Si talentu y si técnica ka dexa ninguen indiferente. Si treinador na Shea High ta fla ma Giovanni eh un jugador especial, ku un tecnica apuradissimo y extremamenti kompetitivu. Dentu di campo el eh un lider, el eh kel jugador ki tudu colegas ta kré imita y ta kré sigui. Pa si esforsu y determinason tambe eh foi honradu ku “Key Player Spirit Award”, un premio ki ta distingue atletas ki ta da bon exemplu pa colegas y pa kumundadi.