Segundo Suely sen ninhun motivo aparente pamodi el ê ka fazi nada. Pa difende ê fla ma inda ê mordi es policia ki també pegal na piscoz
SUELY DENUNCIA BRUTALIDADE POLICIAL...
Nun mensagem ki txiga ti Onda Kriolu Suely ta fla ma na dia 14 di Outubro ê foi brutalmenti espancada pa un agente di policia na esqudra di Boavista . Nome di agente ê Isolino, + conxidu pa Zuca . Suely kré justica pamodi ê fla ma ê fazi kexa na Tribunal mas ki ti inda ê ka txomadu.
Na verson di Suely tudu cumesa por volta di 10 hora di noti kuando ê bai busca un chave na caza di un amigo. Como ê toca campainha uns 5 ou 6 bes vizinhos di prédio txoma policia pamodi alegadamente ê ka sta dexaxa es durmi. Policia txiga y lebal algemadu pa esquadra. Pamodi ê nega xinta na esquadra pa spera pa un pessoa pa bai aprezenta kexa es tal Zuca kumesa ta dal di paulana. Brutalmenti. Ripitidamenti.
Segundo Suely sen ninhun motivo aparente pamodi el ê ka fazi nada. Pa difende ê fla ma inda ê mordi es policia ki també pegal na piscoz y na fin es tudu 2 es bai pára hospital, so ki na hospital so policia atendedu , el Suely nen sequer enfermera ka spial ku odju.
Di forma ki Suely sta indignada y injustiçada ku es situason, tantu + ki ê foi vitima di troça di parte di colegas di es policia ki filmal ta grita y dipos fika ta odja ta troça. Suely fla ma ê abuzu. Prepoténcia. Na maior inpunidade.
ORDENS SUPERIORES...
Suely ta fla ma dipos di bai hospital ê fika prezu na esquadra ti dia seguinte. Pa maldade na cela undi ki é deta 2 agentes bai lansa agua y kriolina. Si prima també fica indignada kuandu ê bai vizital na esquadra.
+ indignada inda ê fika kuandu comandante di policia flal ma pó foi fetu pa ta bati na homi y mudjer. Comamdante ki segundo Swely ê inda por cima un mudjer, si nome ê Firmina.
De acordo ku Suely foi es tal kumandanti Firmina ki da policias ordi pa “rezolvi prublema”, ou seja, dal ku po. Es agente ki agridil fla ma ê tinha “ordens superiores”
Swely sta pidi pa agente Zuca ser dimitidu di policia pamodi ê ka primeru pessoa ki sta sufri ku si abuzu. Es policia até tradu uzu di arma pamodi segundo Suely “e ta passa vida ta da gente kronhada” na Boavista . Inda segundo Suely cumandante flal ma culpa ê de populason di Boavista ki nunca ka fazi un manifestason pa korri ku es agente .
Di forma ki Suely ta pidi kenha di direito pa djobi pa es situaon, nun paiz ki ta fladu ma ta dispeita direitos di mudjer y ki ta luta kontra violencia baziadu na genero. Un paiz ki supostamenti ta respeita Direitos do Homem. fonte:ondakriolu
COMMENTS