TACV dja kansela 36 voos internacional desdi principio di mes di Setembro

Stadu ta banka ku prejuizu...

Prejuizu ki inda certamenti ka foi totalmenti kontabilizadu mas ki segundo ministro di financas Olavo Correio ê un “valor importante” ( Sen konta ku tudu publisidadi negativo ki TACV sufri nes ultimos 2 semanas).

Di kualker forma estado di Cabo Verde komu unico acionista di TACV ten ki “banka” ku prejuizos, incluindu salário di trabadjadores ( inkluindo kes 75 mil euros mensal pa equipa di Icelandair ki sta giri TACV?)

Kinta-fera, TACV informa ma di 01 a 13 de Setembro es kansela 36 voos ( 30 di Boeing B757 ki sta na txon ta spera pa motor y 6 di di Boeing 767 ki tACV luga na EuroAtlantic y ki sta tambe paradu pamodi avaria). Ku ajuda di afretamentu di out avions TACV informa ma es konsigui fazi 6 voos na linha di Providence y Lisboa y ma es konsigui re-enkaminha + di 3 mil passagerus atraves di out kompanhias aereas sima TAP, Royal Air Marroc y SATA.

TACV inda ta fla ma un numero “expressivo” di passagerus kontinua retidu na Cabo Verde mas es ka especifica numero. fonte:ok