Nenhum Homi ka tem direitu di abuza na Mudjer...

Nenhum Homi ka tem direitu di abuza na Mudjer

Na Sociedade caboverdiana pelu menu homi ka tem es direito, si na otu lugar é tem u ki ka debi ser, na nos país é proibidu homi abuza di mudjer.

U ki nu sa odja hoje, ki sa circula audio undi ki mudjer é obrigadu pa si namoradu a conta detalhis di traison y omi ta grava y ta agridi nel sa ta dexa txeu pessoas revoltadus, algum ta fla ma homi tem razon di agi di kel forma la, mas ki razon? kenha ki ta permite pa um ser maltrata otu ser pamodi é ta xinti superior a el, sim, li sta cazu di superioridade, pamodi é ta odja fragilidade na mudjer y é ta fazel assi, manda pa ser ao contrario. Imagina si é homi ki trai mudjer, nes casu mudjer ka ta podi agredil pamodi é ta odja omi komu mais forte, é si ki nos sociedade é feitu, desdi muito tempo.

Oras ki na um casa nansi matxu y nansi femia, femia é pa kuida di casa, é pa xinta na casa pa fazi mandadu domestico, enquantu ki matxu é largadu na mundu. Um pai ta odja si fidju matxu ta envolvi ku txeu mudjer é ta dal apoio y ta dal parabens pe ser um pegador, mas oras ke si fidju femia ki sa tem kel konportamentu la, di sa ta envolvi ku txeu rapaz é ta tomal komu kadela, é ta dadji nel, enquantu ke ta motiva kel di sexu femininu.

No sociedade sta formadu di um forma ki ta poi mudjer sempre pa baxu, felismente hoje isso tem mudadu, mudjer tem konkistadu espaço u ke muito bom, mas txeu homi ka sta kontenti ku isso.

Ainda nka obi num kazu na kabu verdi, ma alguem bai prezu pamodi é trai, mas pamodi maltrata kelotu sim.

Kazu ki sa ao publico hoje pa ser avalhadu y txeu bes nu sa kritika di forma violentu, é storia di munti casal, infelismente pa keli é bem kai na redi social.

Nu refleti, si bu tem opinion contraria dexa na comentario.