USA: Fin di semana violentu na Brockton, Joven kriolu asasinadu a tiru …

Joven kriolu asasinadu a tiru…

E Kelby Ramos, di 24 anu di idadi.
Es joven di orijen kabu-verdianu matadu sábado na Brockton ku un tiru na kabesa kuandu ê sta konduziba si karru nun rua na zona norti di Brockton pur volta di 10 hora di noti. Testemunhas obi uns 5 tiru y dipos es odja karru ta bati kontra un árvore. Atirador sta-ba dentu di un segundu karru ki fuji di zona. Polisia sta investiga kazu mas inda ningen ka prendedu nen ka sabedu motivu di es krimi.

Kelvin Ramos termina Liceu na Brockton na 2012. Di akordu ku informason di polisia e foi prezu na 2016 pur envolvimentu nun redi di trafiku di fentanil, un droga ki ten stadu ta sirkula kada ves + na Brockton.

Morte di Kelby foi segundo asasinatu a tiro es anu na Brockton y e kontisi nun fin-de-semana partikularmenti violentu ku uns 4 tiroteios ki felismenti ka pruvoka + vitimas mortal . Sesta-fera di madrugada un “bala perdidu” atravesa madera di kaza y bai atinji pé un kabu-verdianu di 71 anu ki staba detadu na si kama. Francisco Barbosa lebadu ospital mas felismenti e sta for a di prigu.