USA: Es Caboverdianu ê diretor / prezidenti di maior sentru di saudi di Boston...

Manny Lopes é un di kes gestor di saudi di top na Merka.

Y un di kes maior di Merka : “East Boston Neighborhood Health Center” ki ta resebi uns 300 mil duenti pur anu.
Desdi 2012 ki Manny Lopes sta giri es inportanti sentru di saudi primeru komu si diretor izekutivu y dipos komu Prezidenti/diretor geral ... Pa alén di es funson Manny ta dezenpenha txeu otus mison komu pur izenplu prezidenti di konselhu di Saudi di stadu di Massachusetts y ê ta prizidi ou kolabora ku uns otu 17 sentru di saudi na tudu stadu di Massachusstes.

Manny Lopes ê un voz kada ves influenti na planifikason y ezekuson di pulitika di saúde na Merka y si gosi Boston ten un di kes midjor sistema di saudi publiku di Estados Unidos ê grasas també a es kriolu ki kumesa ta trabadja nes sentru di saudi logu dipos di termina Liceu ku 18 anu d’idadi... Formadu na admnistrason, Manny é també fundador di “Community Care Cooperative” y ê ten didikadu maior parti di si vida a djuda kes pesoas + vulnerável a ter asesu a saudi y a midjora ses nível di vida ( pa Manny saudi e ka so bai dotor , pa el saudi sta intimamenti ligadu ku kondison di vida komu abitason, alimentason , nutrison, etc)

“RÁSA SENPRI PREZENTI”
Manny Lopes nasi na Boston mas ê ta asumi komu “black’ y “cape Verdean” y ê ta fla ma kiston di rása ta sta senpri prezenti na kumunidadi “white” di kuazi tudu kes líderes di ária di saudi... Pamodi si kor di peli ten senpri algen ki ta kre duvida di si kapasidadi y pur isu ki ê ta fla ma senpri ê ken ki “performa” na + altu “level” , tantu + ki el ê un izenplu pa “people of color” ki é kré odja ta ten mesmu oportunidadi ki ê tevi. ...

Manny ta xinti orgulhu na trabadju ki ê ten fetu y na si kontribuison pa koloka Boston entri kes sidadi ku maior kubertura di saudi na Merka, mas sta tambe sienti ma ten inda txeu trabadju pa fazi mas e ten fé ma un dia é ta odja tudu algén ta resebi mesmu kuidadu di saudi, idependentimenti di rása, di idadi , di lingua, di kultura ou di undi ki ê ben. fonte:ok