Caboverdiana konta pamodi ke dexa França y volta pa Cabo Verde...

"Nka kre dismotiva ninguém ki kre bai pa estrageru djobi vida"

Si nome é prefire dexa em anónimo, pa é ka bem sufre diskriminason.

Um caboverdiana di 35 anu, é ta vive na Praia. É fla ma é bai estrageru ku ideia sima maioria di caboverdianos, traz di um Vida midjor. Primero país estrangeiro ke piza foi Portugal, passando uns anos depôs é bai França, y na poku tempo na França foi suficiente pé odja me ka ta konsigue adapta, é fla me ta saiba pa bai trabadju ku sukuru y é ta entraba kaza ku sukuru, me tinha poku tempu pa divirte, si vida era casa trabadju, trabadju kaza, ma isso sa traba el si humor di vive. É fla me sabi ma trabadju ki ta dignifica homi, mas me dje staba fartu di vive di es manera. Y me ka ta ser feliz na faze trabadju ke ka gosta y leba vida longi si fidjus ke ta ama. É dexa 2 fidju na Cabo Verde, y é ka sa aguentaba fika mais tempo longi.

Por isso anu passadu, 2018, é toma novo rumu na si vida, é ruma si maleta y volta pa Cabo Verde, ku dinhero ke konsigue faze na Europa é abre um salon di beleza y ku tempo é tem ganhadu clientes y dje poi 2 jovem na trabadju kol. Y ma li é sa teni mais tempu pé sta ku si fidjus, y me sa vive bem.

"Nka kre dismotiva ninguém ki kre bai pa estrageru djobi vida, simplismente nsa konta nha storia, nem tudu alguem ka tem mesmo sorti y nem tudu alguem é ka igual. Pelu kontrario pa mi tudu kenha ki kre bai, nta deseja pa tem es possibilidade di bai y ser feliz. Mas pa kenha ki sta la y ki sa sufre y ki sabi ma volta pa si terra ta fazel fika feliz, nta koraja pa volta."- foi u ke flanu.

Dexa bu opinion y konta bu esperiencia na estrangeiro...