bo é preta mas bonita de nha rubera
Se bu era dimeu
mina, se bu era dimeu
nta daba bo tudo strela na céu
nta cantaba na barudjo de onda na mar pam mostrau man kreu
mta spretaba bo ku um odju
ti ki nkonvencebu ma bo é mudjer de nha sonhu
nta kreba bo ku sodade ti k ta due
ku dor ti k mocinhus ta djunta ta rue
nta imbalaba bo ku preguiça
nta deixaba bo radiante ti k sol inguiça...
bo é preta mas bonita de nha rubera
amiga mas bonita kin podia tinha!
bo é mansa ti k bu pele ta cuspi bonança
suave ti k bu sorriso ta duspi tudo nha desgraça
Na bu andada tem compaçu
na bu sprito tem açu
k ta lambucham na bo!
bu ka nocente pam engoda ku dropis
nem ka sabida pam fuchi di paga bu doti
bu sorriso é dóci cima mel
se ndjobeu dento rosto tá dam gana rukutiu..
djam kre trau padaz padaz,
lembeu ku calma cima k ka tem manha
djam kre percorrebu di cabeça ti pé
sem pressa nem fadiga
nkre pegabu na mo pa nu dá um volta ti mar de baxu
pam inchinau conta agu mar gota gota
djam kre ninabu na nha petu pam dixe ku bo ti fontom
pam cariciabu bu rosto, pam lebabu luá ainda k sol sta raganhadu pa riba nós.
De nós li é sorte ou destinu?
nu ta txomal de juiz ou de cabeça k dja perdi tinu?
nkrebu, mina!
nkrebu mas k tudo borboleta de tempo de azagua
nkrebu ku mas pressa k tudo plantador de batata
ku más sabideça k tudo sabidu de praia mariá!
Dicla Gonçalves
mina, se bu era dimeu
nta daba bo tudo strela na céu
nta cantaba na barudjo de onda na mar pam mostrau man kreu
mta spretaba bo ku um odju
ti ki nkonvencebu ma bo é mudjer de nha sonhu
nta kreba bo ku sodade ti k ta due
ku dor ti k mocinhus ta djunta ta rue
nta imbalaba bo ku preguiça
nta deixaba bo radiante ti k sol inguiça...
bo é preta mas bonita de nha rubera
amiga mas bonita kin podia tinha!
bo é mansa ti k bu pele ta cuspi bonança
suave ti k bu sorriso ta duspi tudo nha desgraça
Na bu andada tem compaçu
na bu sprito tem açu
k ta lambucham na bo!
bu ka nocente pam engoda ku dropis
nem ka sabida pam fuchi di paga bu doti
bu sorriso é dóci cima mel
se ndjobeu dento rosto tá dam gana rukutiu..
djam kre trau padaz padaz,
lembeu ku calma cima k ka tem manha
djam kre percorrebu di cabeça ti pé
sem pressa nem fadiga
nkre pegabu na mo pa nu dá um volta ti mar de baxu
pam inchinau conta agu mar gota gota
djam kre ninabu na nha petu pam dixe ku bo ti fontom
pam cariciabu bu rosto, pam lebabu luá ainda k sol sta raganhadu pa riba nós.
De nós li é sorte ou destinu?
nu ta txomal de juiz ou de cabeça k dja perdi tinu?
nkrebu, mina!
nkrebu mas k tudo borboleta de tempo de azagua
nkrebu ku mas pressa k tudo plantador de batata
ku más sabideça k tudo sabidu de praia mariá!
Dicla Gonçalves
COMMENTS