Pai acuza professora di agridi si fidju di 8 ano... Educaçon ou Crime?

Sabino Cardoso aprezentadu kecha contra prufessora ki alegadamenti agridi si fidju-matxu ku un po ki tinha prego

Praia/ Escola Quintino Ribeiro
PAI ACUZA PROFESSORA DI AGRIDI SI FIDJU DI 8 ANO...
Pai ê Sabino Cardoso, prufessora ê Catarina Cardoso di scola Quintino Ribeiro, na Bairro Craveiro Lopes, na Praia.

Sabino Cardoso fla ma dja aprezentadu kecha na policia y na Ministerio di Educason kontra es prufessora ki alegadamenti agridi si fidju-matxu ku un po ki tinha prego. Segundo e fla prego atingi aluno na asso y dipos di 3 cirurgias es meninu kontinua hospitalizadu na hospital di Praia. Kel li ê denuncia ki e fazi na facebook:

“Hoji fazi 3 semana ki nha fidjo de 8 ano sta internado na hospital Agostinho Neto na Praia, dipos di 3 cirugia. Ê sta la pamodi ê foi agridido pa se Professora na skola dento di sala de aula, kel suposta Professora dal ku um po na ombro ki tinha um prego na el, I kel prego bai atingil se ossu ki infecta.Tudo medidas legais dja tomado, dja Nu kecha na Ministério de Educação, na Polícia, mas dipos di 3 semana inda nenhum medida ka tomado, nenhum satisfacao de parti di Ministério de Educação.

Es suposta Professora inda Sta ta trabadja normalmenti sima si nada ka kontisi. Ministeriu debi Sta spera hora ke mata algum minino, ou ke agridi otu minino pa um Pai entra dento di sala di aula pa rabental. Pamodi um kuza ê serto sim staba na cabo verde, goci li mi ki staba preso,nta spera ma ta tomado medida antis di ser tardi. Milhoras nha fidjo papa ta Amau tcheu”. fonte:ondakriolu