Turista inglez konta modi ki si mudjer atxadu morta na piscina di un hotel na Sal

“Norma so sai pa bai káza di banhu...”

Norma ( 61 anu) era mudjer di Paul Surtees, es kazal inglês na foto ki staba ta pása feria na Riu Palace, na Sal. Sesta-fera 28 di Junho es staba djuntu na bar di es hotel djuntu ku amigos kuandu Norma pidi lisénsa pa bai kaza di banhu... Minutos dipos Paul odja un grandi movimentason na bera di piscina y dentu d’agu tinha un korpu : Era Norma.

Morti di Norma dexa si maridu transtornadu , maridu ki ta fla ma Norma tinha prublema ku balansu di korpu y ma provavelmeti ê perdi ekilibrio y ê kai na águ... Korpu di Norma transladadu pa Stockton-on-Tees, un pikenu sidadi di Inglaterra undi es mudjer ta trabadjaba na setor di saudi. Transladason di korpu konta ku ajuda di amigos y familiaris já ki seguro so disponibiliza 3 mil euros ( ka era sufesienti pa kubri kustu)

Norma ku Paul dja tinha + di 20 anu kazudu.
Norma dexa 2 fidju-fémia maior d’idadi y 3 netu. fonte:ok